​ជំងឺ​រលាក​ថ្លើម​ប្រភេទ C និង​ជំងឺ​មហារីក​ថ្លើម

ការឆ្លងមេរោគរលាកថ្លើមប្រេទ C ត្រូវបានផ្សារភ្ជាប់ជាមួយនឹងការវិវត្តទៅជាជំងឺមហារីកថ្លើម ដែលទូទៅបំផុតនោះ គឺ Hepatocellular Carcinoma។ ជាការពិត នៅក្នុងប្រទេសជប៉ុន មេរោគរលាកថ្លើម C មានវត្តមានលើសពី ៩០ ភាគរយនៃអ្នកដែលមានប្រភេទនេះនៃជំងឺមហារីកថ្លើម។

ជាមួយនឹងមេរោគរលាកថ្លើម B ភាគច្រើននៃអ្នកជំងឺដែលមេរោគរលាកថ្លើម C ដែលមានជំងឺមហារីកថ្លើម បានផ្សារភ្ជាប់ទៅនឹងជំងឺក្រិនថ្លើម។ រយៈពេលជាមធ្យម ដើម្បីវិវត្តទៅជាជំងឺមហារីកថ្លើមក្រោយពីឆ្លងមេរោគរលាកថ្លើម C នោះ គឺប្រហែល ២៨ ឆ្នាំ។ លើសពី ៣ ភាគរយនៃអ្នកដែលមានជំងឺក្រិនថ្លើមដោយសារតែឆ្លងមេរោគរលាកថ្លើម C នឹងបន្តទៅជាជំងឺមហារីកថ្លើម។

ចំពោះអ្នកជំងឺដែលឆ្លងមេរោគរលាកថ្លើម C កត្តាហានិភ័យក្នុងការវិវត្តទៅជាជំងឺមហារីកថ្លើមរួមមាន ៖
-    ជំងឺក្រិនថ្លើម
-    មានវ័យចំណាស់
-    ភេទប្រុស
-    កើនឡើងកម្រិត Alpha-Fetoprotein
-    អ្នកផឹកស្រារ៉ាំរ៉ៃ
-    មានជំងឺរលាកថ្លើម B ឬមេរោគអេដស៍មកជាមួយ។

នៅក្នុងការស្រាវជ្រាវមួយចំនួនបានបង្ហាញថា វីរុសរលាកថ្លើម C ដែលមានសេណូទីប 1b អាចជាកត្តាហានិភ័យមួយ ប៉ុន្តែ ការស្រាវជ្រាវបន្ថែមត្រូវតែធ្វើ។

មធ្យោបាយដែលមេរោគរលាកថ្លើម C បង្កអោយទៅជាជំងឺមហារីកថ្លើម គឺមិនត្រូវបានគេដឹងច្បាស់នោះទេ។ ទោះជាយ៉ាងណាក៏ដោយ ជំងឺក្រិនថ្លើមដោយសារតែមូលហេតុនានា គឺជាកត្តាហានិភ័យមួយក្នុងការវិវត្តទៅជាជំងឺមហារីកថ្លើម។ លើសពីនេះ វាត្រូវបានបញ្ជាក់ថា មេរោគរលាកថ្លើម C ដែលបង្កទៅជាជំងឺក្រិនថ្លើម គឺជាមូលហេតុមិនផ្ទាល់នៃជំងឺមហារីកថ្លើម។

មួយវិញទៀត មានអ្នកដែលឆ្លងមេរោគរលាកថ្លើម C រ៉ាំរ៉ៃដែលមានជំងឺមហារីកថ្លើមដោយមិនមានជំងឺក្រិនថ្លើម។ ដូចនេះ វាត្រូវបានបង្ហាញថា មេរោគរលាកថ្លើម C ក៏អាចវិវត្តទៅជាជំងឺមហារីកថ្លើមដោយផ្ទាល់ផងដែរ៕